第一站我們一行三人就到了聞名世界的大賊巢「大英博物館」。以石先生的歷史知識，自然又係係度空轉啦，行左幾個館都係講Egypt，Greece個啲，唔係話唔好睇，但我睇時唔會十分細心，只會大約作出了解。但我的團友則比較詳盡，每件文物均作仔細研究，速度當然跟石先生有所分別。所以石先生都有點悶，只係一路行，一路行。
點知行行下，原來跟左勁耐，而我啲團友搵我唔到要打俾我先join得返一齊。但講真跟住個Guide係度行，佢一路講，你又好似真係明多啲嫁喎，雖然佢講嘅野你本身己經知，但係由西方的角度去睇又真係幾特別。之後行左去睇館內最重要之一的Mummy，呢度勁多人，個館細細但係放左勁多，啲小朋友入到去又嘈，真係幾難頂下。所以睇左陣就走左去下一個。
埃及人挺慘的，國家最好的東西都不在自己的國土上。
Mummy的數量，絕對是這邊最得意的地方。
除了大的Mummy，還有小的啊！
其實行咁耐都係一路行一路睇，都唔係話好識啲文物個背後意義，但咁都行左成三個鐘，好累。其中我地係一個館入面有個臨時展係Money Exhibition，佢講唔同時代嘅貨幣，以香港嘅十元膠鈔係其中一樣展品，以用來預示未來的。但講到有心，都唔及歐羅一元。原來歐羅一元後面有個鳥嘅圖案，佢係同二百年前古羅馬貨幣上嘅圖案一模一樣，真係好有心思。
離開大英博物館後，我地去左Museum Street，去到一間有153年歷史的餐廳叫THE PLOUH，坐左係舖頭外的橫街上，感受下英國的氣息。叫左個Large Fish & Chips，要成£9.95，係暫時最貴嘅一餐。
佢嘅魚柳超大，薯條勁多，仲有啲乾青豆，配啲沙律醬同蕃茄醬，味道一般，始終唔係我地亞洲人的口味，太乾，但食到好飽，因為好大份。
這家店坐落於大英博物館正對面的橫街上，挺有風味的。
坐下來才看到，他是1855年開業至今的。
炸魚柳加炸草薯條就是聞名的Fish&Chips，吃下去很乾，魚柳很大，但配上沙律醬挺好吃的。
食完一個咁傳統嘅英式Fish & Chips後，我地去左St. Paul’s Cathedral，佢位於St. Paul Station，一出之後好容易搵到。呢度係英國皇室進行重要儀式的地方，例如英女皇加冕，皇妃戴安妃結婚等等都係係呢個咁莊嚴的教堂進行。佢主要分三層，上下兩層要俾錢先入得，如果唔想俾錢的話，可以係佢作禮拜的時間進入，但就唔可以登頂及到地庫參觀，只可以係大廰參觀。
由於鏡頭不夠wide的關係，不能拍下全景，只有期待團友的相片囉。
這個是正面的入口，左邊是入口，右邊是出口。如果想知道做禮拜的時間，可以到門口找找看。
我地搭Tube去到下一站，Bank Station，本身想去睇Bank Of England Museum & Royal Exchange，但可惜去到時則好係五點左右，過哂開放時間，咩都睇唔到。
倫敦交易所就是前面這個囉，這邊是商業區，人走路比較快，私家車比較多。
後面這幢著名的現代建築配上傳統的小型教堂，別有一番風味。
就係咁一路行過去Liverpool Street Station，呢度係英國其中一個大站，主要係去London旁嘅城市，呢個火車站好靚，同時也都好多人。雖然佢所以月台都係一字排開，每個有各自的目的地，但得意嘅係每一個人都好像流水一樣，有秩序咁進入每一個月台。當我們停下來或有人停下來找尋月台時，便會造成一個可愛的景像。
Liverpool Station同樣是一個Tube加Train的英國大站。
繁忙的程度絕對不下於機場，碰上下班時間，更是人生人海。
由於日照時間比較長，玻璃頂的設計是歐洲常見的。
一列列的火車就是這樣排在這邊，這邊的月台好像有二十多個。
經過火車站來到Tube Station，這個月台比較特別，係同一個月台等三條唔同路線嘅列車，令到月台上堆滿人。一時之間，也令我們有點不知所措，站在月台上看著一班一班的列車開走。
最終我們成功到達，Tower Hill Station，也即係Tower Of London嘅所在地。係車站上面，有一個有日規的公園，係呢度你可以影到Tower Of London的全景以及稍事休息。
就是這個有日規的地方，你可以看到傳統的英式堡壘，Tower Of London
上面刻著的就是倫敦最早的範圍，你可以清楚看到Tower Of London的位置。
Tower Of London就是倫敦塔，你可以圍著走一圈，也可以進內參觀。
由於時間尚早，其實己經七點幾，天未黑，我們在草地上稍事休息後，沿River Thames一路行去Tower Bridge，一路狂影，但風勢也挺大的，有時候會把手吹動，令相片要重拍。由於一直無想過上去Tower Bridge，所以過橋後，到左City Hall，又係狂影，呢一刻有個衝動想飲杯啤酒，可惜呢度無！
碰上Tower Bridge開橋的一刻很是精彩。
這條線就是Tower Bridge中間接合的地方，沒有東西加固的。
整個City Hall是新式的玻璃建築，伴類的Tower Bridge和對岸的Tower of London形成一個強烈的對比。
向西行，去到英國發沿地之一的London Bridge，眼前的橋是新建的，因為當年個條橋己經「London Bridge is flowing down, flowing down, flowing down」Tonyi Sing. 所以相中的只是替代品。
你看到的這一條London Bridge是新的。
舊的一條這邊有講解
離開London Bridge，搭Tube去到Kinghtsbridge Station，一心想去Harrods幫人買手信，但可惜去到時剛好八點，關門時間，再次望門輕嘆。為左唔好咁灰，我地向西向下一個Tube Station出發，South Kensington Station。係呢度所見到的舖頭都比較高級，有Armani等等。其中我地係一間小型的超級市場，買左一個£1.36的三文治作為我地嘅晚餐。
South Kensington 這邊的教堂，挺漂亮的，但不知道名字。
South Kensington的街道很有英式小鎮的風味。
Victor & Albert Museum 是一個很有名的私人博物館。
由於今日嘅行嘅路比較較多，大家都比較累，所以係2100hrs就己經返到Hotel。石先生係酒店嘅小花園一邊食三文治，一邊寫返今日嘅行程，耐唔耐有外國人行過同你Say句HI，好寫意！
係London兩日，有樣野同香港好唔同，呢邊嘅Tube係無冷氣嘅，主要都係開窗，所以人多時特別焗，而且部份站更會有點燶味。除了新建的線路外，大部份車廂都極細，兩排椅中間只可以企一個人，而車內也不高，以石先生的高度也差不多到頂了。
你可能會想？咁啲英國人咪好辛苦囉，佢地咁高？但佢地不少都只係高石先生半個頭左右，唔算好高姐，未頂頭嘅。
係London有唔少免費報紙，早上兩份，下午四五點到又有兩份，英國人嘅習慣係睇完份報紙會放係車廂度，以其他乘客想睇同樣可以拿來睇，都幾好，起碼環保啲，但個問題就係當每個人都返駛啲報紙係車廂度嘅時條，車廂又變得好混亂啦。
係呀，晚報都係係Tube嘅門口派，但係收錢嘅都係係門口派，唔好拿錯呀。今日講住咁多先，早抖。
Mummy的數量，絕對是這邊最得意的地方。
除了大的Mummy，還有小的啊！
炸魚柳加炸草薯條就是聞名的Fish&Chips，吃下去很乾，魚柳很大，但配上沙律醬挺好吃的。
Loading ...
最新回應