石先生部落

中五學歷的周秀娜日前出席科大的知識無限講座系列 – 「解讀周秀娜現象」。事後不少媒體報導周秀娜在該講座中答非所問，答案膚淺等等。石先生參看了有關講座的問答筆録，其實周秀娜答問題都唔算好有問題，以她中五學歷來講，出席一個大學的學 術講座，答李小良呢種咁重學術味的問題，其實都幾辛苦。

到底李小良教授問左啲咩問題呢？石先生節録部份問題，大家可以參考一下，看你自已是否可以找到答案。（石先生個人覺得部份問題可以變成論文題目。）

• 你覺得呢個年紀嘅人，有乜共同特色？
• 你係咪覺得呢代人好鍾意激烈情緒同情感上得到愉悅？
• 自拍愉悅係咪快樂一種？自拍同反叛有冇關係？
• 依家年輕人係點？
• 你覺得年輕人追求自己或做緊乜嘢係咪好重要？
• 快樂對你嚟講係咩？「你快唔快樂」？

以上六條問題，即使對於一位大學生來說也是比較難回答的，因為需要不少數據及理論去解釋自已的說法。若回答問題者日常並沒有對這些問題有研究，根本難以回答這些問題。以周秀娜中五的學歷，回答這種論文式的題目，真的很有困難。身為旁觀者的你，能夠好好的回答嗎？

（點解唔可以學術啲呢？呢個係大學講座喎！）

這個是大學講座，唔係唔可以學術，但如果要咁學術，你唔請另一位做文化研究的講者呢？你請得周秀娜，你就要知道佢講得啲咩呢？你做咩要求人地去到學者水平呢？人地都擺明唔係。

有線電視有一個叫「周秀娜科大裡的風波」的節目，該節目幾乎有頭跟到尾，講番周秀娜的想法。根據節目前的簡短訪問，周秀娜以為自已係去分享自已的經歷，唔係去一個咁學術性的講座。如果周秀娜事前知道講座如此學術，唔知仲會唔會出席呢？

其實，請來什麼人便應該問什麼問題，既然主辦單位請來一位只有中五學歷的模特兒，為什麼不發問一些她能夠回答的問題呢？問題全部向學術，研究靠邊，不斷出現一些學術專有名詞，超出她的理解範圍，這絕對不是一件好事。周秀娜本身未能回答有關問題，未能分享個人經驗，教授得不到希望得到的答案，學生聽不到有意義的答案，這有什麼用呢？

更新1：

關於演講被指太深或難明，小良回覆其中一個原因，
是基於娛樂媒體在此事的報導及操作將題目扭曲，
必須將整個事件以「硬橋馬」方式（”hard” way）保留在學術研究層面中，
以免主辦單位再被扯去道德批判的戰場。
而事實亦真係傳媒幾近沒有提及演講的內容，
自然會覺得問題奇怪，但問題事實係跟住演講來撰寫。

小良強調，問題不在於是情色或色情的表現，
而是情色的文本一直存在，
只是我們的教育，以至主流研究中國文學的論述中，
一直規避「高雅」或「文學」中情色的描寫及部分，
及至《西廂記》等文本，就向這種論述打一大巴掌，
「名作」一樣可以有情色。

咁樣睇來，其實李教授都好無奈，如果個講座唔係講到咁差，迫李教授將訪問環節推到上咁學術的程度，講座的吸引力及精采度肯定會更好啦！唉！咩事都有兩面，有番咁上下宣傳，好多野都被迫改變，脫離事先目標。

更新2：周秀娜演講影片全集

周秀娜科大演講 學生悶到走 Part 1

周秀娜科大演講 學生悶到走 Part 2