石先生部落

有人曾經這樣問過石先生：石先生，你返工寫 Blog，放工寫 Blog，日寫夜寫，仲要録電台，唔累咩？

石先生是這樣回答的，返工寫 Blog，寫的是指定文章，指定跟科技有關的，類型單一，讀者也從來只有一個類型，都是科技愛好者。可是，像石先生這種念新聞系、很多意見的人。偏偏對很多事情有看法，不管是科技事，還是新聞、娛樂，都有不同的意見。作為一個普通人，也只好寫 Blog 來排解這些意見。

而且工作Blog 與 無聊Blog 唔同，無聊Blog 最緊要係想寫就寫，唔想寫就唔寫。鐘意用廣東話又得，唔用廣東話又得；寫完你睇得明又得，睇唔明又得。最重要係無限制，只是抒發心聲，無需有任何目標。當然，愈多人睇愈多年留言，自然開心。畢竟寫完野都係想人睇姐，有人睇，有人講，滿足感就是這樣來的。

至於電台，呵呵！這是一眾好友們的興趣，為講而講。講真，有聽過都知石先生與友人只是在咪前吹水，重點在於有一個固定時間、地點，與好友聚聚、談天、食飯。所以，何累之有。