石先生部落

啦！都話南韓嬴嫁啦！南韓成場波佔盡優勢，又快又好氣又有身位又有技術，對住希臘班死老風真係爽到爆，完全無問題啦！講真呀！如果唔係球証有少少偏幫希臘，南韓點知嬴兩球咁少，分分鐘可以嬴夠四球。不過咁，南韓雖然有優勢，但中場組織力唔太夠，面對希臘都仲可以，但如果下次對住其他球隊，未必可以咁易入到波，可能只有靠反擊同體能玩死對手。不過咁，南韓真係唔錯，好運入八強無咩問題。

阿根廷真係勁，雖然個陣怪怪地，但依然可以勁速入球，仲要係有組織，果然係勁旅之一。如果今場尼日利亞個龍唔係有番咁上下水準，阿根廷點會入一球咁少。講番轉頭，美斯同希同恩始終踢唔出水準，唔可以係西甲咁狂入波，始終係最大隱憂，而且中場其實唔係好做到野，華朗雖然可以 hold 住個波，但無咩致命傳送，而且阿根廷明顯真係輸身型，角球完全無著數，而且後防係咁出現驚險鏡頭，真係有點擔心。尼日利亞？射中龍先講啦！

英格蘭真係 … 頂！無野好講，屆屆都有呢啲咁既仆街野。唯有期望一年一次，今年咁早出現，來緊無啦！事實上英格蘭真係唔對路，踼唔出風格，進攻也都無辦法，控球仲少過美國。除左打反擊同K角度吊入去頂，圍住對手根本做唔到小組，陣地戰完全無辦法，真係唔多掂。出到線又點？應該都係輸嫁啦！唉！

南韓對希臘 2:0

阿根廷對尼日利亞 1:0

英格蘭對美國 1:1

今晚戲碼真係弱囉！阿爾及利亞對斯洛文尼亞，講真唔係世界不要湊夠三十二隊，而歐洲又有咁多個位，呢兩亞係咪有實力打決賽週真係好有疑問。講真呢兩我亞石先生真係完全無認識，邊隊勁啲？無所謂，取好打和，等英格蘭可以輕鬆出線，咁就最好啦！所以石先生估 1:1

阿爾及利亞 VS 斯洛文尼亞 1:1

塞爾維亞同加納呢兩對波真係有番咁上下勁，塞爾維亞身處東歐，以往南斯拉夫咁勁都多得呢個民族唔少，所以塞爾維亞真係唔錯，問題係維迪到底頂唔頂得住，前鋒又點算呢？不過咁，石先生始終都係睇好塞爾維亞多少少。至於好多青年球員，以世少盃球員做骨幹的加納，真係 OKAY 咁大把，好神秘，完全唔知班球員咩料，但以非洲球員以世界盃做搵食跳版的過去，都係各自為政，團體實力一般嫁啦！要嬴？入波就得，嬴就難啲啦！

塞爾維亞 VS 加納 2:1

無錯，德國係弱，但澳洲更弱。由幾十年前的卡希爾、基維爾、維杜卡，到現時澳洲都係呢三位球員，你就知隊波有幾大進步啦！澳洲？都係返家鄉嘆世界啦！無謂係南非捱世界啦！不過咁，德國一向打高空波，面對同樣身型的澳洲佬，未必幫到忙，入波唔可以話好勁，大勝應該無咩機會，反而用呢場來練兵就差唔多。

德國 VS 澳洲 3:0