石先生部落

今次係門派對抗賽第一回合的上半集，各隊其實都有唔同玩法，肥媽係玩突破，其他玩安全，所以今集其實都有參考價值，只可惜今集真係無幾多個好聽，明明好好個啲又要突破，一係就好安全，所以最有驚喜都上圖的李麗珊了！

其實李麗珊個名已經撞到應一應，個樣又要有少少似鄧麗欣，真係混合體喎！OKAY！我知我講野唔好笑，咁聽歌囉！

第一回合　天堂high歌：
肥媽隊　楊麗珊　Bad Romance　57.1分

楊麗珊上集令人驚喜，這次演唱 Bad Romance 令不少期待她演出的朋友失望，因為這首歌明顯不是她的歌路，是肥媽為了她突破的選擇，所以大家可以聽到她的口氣有點奇怪，太用力，令整首歌的節奏有點奇怪，加上沒有 Lady Gaga 的舞群、和音、音樂，整首歌有點勉強，沒有氣氛，而且氣不足，實在需要多加努力。

由於楊麗珊始終具備一定實力，不會在較早階段被淘汰，有更多時間改善自已的弱點，相信門派對抗賽後，會有另一番景象。

楊麗珊 – Bad Romance

Lady Gaga – Bad Romance

張佳添隊　 JAC　對面的女孩看過來　57分

JAC 明顯是一隊以表演為主的參賽者，呢種自HIGH 只有他們可以做到，的確很成功，只是這種輕鬆的歌曲，到底有多少可以供他們演譯呢？

更甚是他們的技倆看來也只有這幾種，雖然橋唔怕舊，只緊要受，但香港人怕悶，又怕重複，JAC 頂得幾耐呢？實屬疑問。JAC 還是快點改善唱功吧！

JAC – 對面的女孩看過來

任賢齊 – 對面的女孩看過來

周國豐隊　鄭昆洪　起床歌　57.4分

鄭昆洪開頭個段真係幾無聊，完全睇唔出有咩意思。到唱歌個句 Show Time，真係好無氣勢，跟住唱來也都好安全，無氣份，成首歌明明好好熱鬧，好興奮，但鄭昆洪就唱到好似情歌咁，慢慢唱，無哂成首歌的氣份，聲線又唔激動，動作又古古怪怪，完全唔明係度做緊咩。

呢個回合同呢首歌需要你令到觀眾好 HIGH，但當時身在現場的石先生也覺得你好悶，完全唔知做咩。你睇 Jerald 要講吉他好正，就知幾大件事。睇睇台灣的黃靖倫，唔好計佢啲舞群，佢一個人已經可以做得唔錯，可以自由自在，有氣氛，有帶動，真係差好遠。簡單來講，點解要咪 Stand 呢？放開至咪 Stand，向 JAC 學習下亂來會比較好。

鄭昆洪 – 起床歌

黃靖倫 – 起床歌

吳國敬隊　譚嘉博　如果我是陳奕迅　51.6分　淘汰

譚嘉博真係好驚咁，完全唔知自已度做咩，好求其，有點亂來，唱得完全無自信，無氣氛，一首咁 HIGH 的歌，點解可以唱到咁，又高唔到，又無氣氛，淘汰都係正常既。

如果話譚嘉博唔好氣氛，我地可以睇睇一條 youtube 幾受歡迎的片，台上的 Band 雖然有甩留，但佢地成功做到呃下人，氣氛好好，成件事做到無問題，起碼令人開心，玩得 HIGH，實在不錯。

譚嘉博 – 如果我是陳奕迅

如果我是陳奕迅

第二回合　地獄悲歌：
肥媽隊　譚焌釗 　想太多　59.3分

想太多是石先生很喜歡的歌曲之一，經常聽，所以譚焌釗選唱這首歌，石先生很有期待。

事實上，譚焌釗唱得不錯，感情很好，可以唱出歌的感情，令人感到傷心，只是他看來很害怕出錯，唱來很安全，沒有把自已發揮到最好，而且很多音置仍然有點尖，不夠圓滑，尚有不錯的進步空間。

李玖哲唱得好聽？當然啦！他是韓國人，有點半咸淡，更好聽。

譚焌釗 – 想太多

李玖哲 – 想太多

張佳添隊　梁淮亮　剪愛　56.6分

梁淮亮明明應該有好洪亮的聲音，但成首歌聽來，梁准亮好似唔多識運氣，好多時都係喉嚨唱，無用到丹田同共鳴，只係勉強唱出來，真係令人可惜。

進步的空間很多吧！如果梁准亮唔係跟張佳添，係跟肥媽，可能仲快啲融匯貫通。

梁淮亮 – 剪愛

曹格 – 剪愛

周國豐隊　陳燕娜　痛愛　55.4分

陳燕娜唱歌有啲位真係幾似容袓兒，可能唱得K 多，暫時仲未擺脫到，但今次情緒破錶，真係算唔得唔錯，也都表現到自已的感情，睇來未來可以試下繼續呢條路。

問題係第一段就感情失控，未能持續，如果可以好好控制感情位，咁會更好，而且尾音受唱 K 影響，有點趕，要改善。

陳燕娜 – 痛愛

趙學而 – 痛愛

吳國敬隊　李麗珊　明知故犯　56.3分

李麗珊這首歌唱得真的不錯，有氣氛，有感情，輕重掌匡不錯，充份發揮自已的優點，很好聽。

問題是好聽，卻未能令人有記憶，未有感染力，仍然有點改善，找出自已的特色。如果未來選唱這類型的歌曲，訓練自已，然後找一次演唱鄧麗欣的歌曲，再借佢上位，咁就真係唔錯啦！當然要睇時機啦！

評判提到陳蕾唱明知故犯，睇番個集原來係評判指定曲，又係吳國敬，唔通吳國敬好鐘意呢首歌？陳蕾同李麗珊，當然係李麗珊好啲啦！哈哈！

李麗珊 – 明知故犯

陳蕾 – 明知故犯

許美靜 – 明知故犯

石先生十強估計（含排名）：

1. 譚焌釗
2. 楊麗珊
3. 盧思穎
4. 陳曙輝
5. 馮士庫
6. 李麗珊
7. 以下排名未有